極尚大瀛喜日本料理

营业中

休息中

好耐冇食放题，好挂住任食刺身。谂唔到除咗日本嘢饮食之外，而家连榴梿都系任食🌟🌟🌟啱晒钟意食榴梿嘅朋友仔! 极品金枕头榴梿用火枪轻轻烧过，食嘅时候暖暖地，好香榴梿味内里软滑😁基本上我都食咗成10件，平时榴梿咁贵，而家真系回本😎刺身方面款式好多油甘鱼、三文鱼、甜虾、虎虾、赤贝、带子、吞拿鱼、希灵鱼，估唔到仲有鲍鱼！今次一定好容易食回本，油甘鱼一向我都钟意，油脂充足鱼味香。三文鱼比想像中好，厚切肥美味道鲜美。鲍鱼都几大只，几甜而且有咬口。创作寿司、卷物都好正，特别系双色刺身花朵(纹甲墨鱼拼白虾)，入面完全冇饭，鱿鱼新鲜得来好滑，白虾鲜味十足。仲有鳗鱼玉子烧😌鳗鱼厚玉子甜。红酒蓝莓鹅肝都系好正，应该出咗冇几耐，鹅肝幼滑味道浓郁，配上苹果清清地，食好多都唔腻。西京烧比目鱼烧至微焦，入边鱼肉油脂丰富超钟意食。蒜蓉珍宝扇贝好惹味，入面好多蒜，扇贝都几大粒有咬口。芥末沙拉虾球只虾大大只，里面晶莹剔透配埋啲酱汁☺️嘢饮方面讲得出嘅都会有齐晒，值得一题，就系餐厅非常之赶得上潮流🤓有鸭屎香柠檬茶，佢哋嘅茶只系落咗好少糖，所以完全唔使担心好肥，同时有鸭屎茶叶独特香味，饮咗几支先走。