影片
更多
2019-06-01
38 浏览
最中意系僻静嘅地方揾好野食！今次呢间食烧海鲜嘅餐厅系系街尾转角、周围无咩人嘅位置。老板系门口好热情咁邀请我哋，咁就一于比个机会佢啦！舖头望落似有返咁上下年头，无咩装修布置，只有四、五张枱。墙身贴满晒印住菜式嘅纸，仲要图文并茂，方便大家谂食咩嘅时候做reference。太多选择嘅情况下我通常就直接睇套餐但系二人餐有个烧安格斯牛仔骨，我唔食牛，隔离𠮶个又唔想独食，谂住转軚散叫之际老板好好人话帮我哋换做鸡扒，咁就perfect叫个二人餐啦！皇牌二人套餐（特价$298）- 秘制蒜蓉烧西非八头大虎虾或招牌秘制蒜蓉烧扇贝皇本身应该只可以二选一，不过友善嘅老板就比我哋每样一只试下。个扇贝同虾嘅size都同手掌有得比，然后面头有劲量嘅蒜！贪食小狗见到野食就即刻想拎起，结果刚烧好太热辣亲手指头！好唔容易咁冒著热咬一啖，虽然蒜好浓味，但都无盖过海鲜嘅鲜味。扇贝同虾都好厚肉弹牙，不过个人中意虾多d，味道更加浓烈！- 秘制蒜蓉烧美国生蚝之前食咗咁多冻冰冰嘅生蚝，今次要食热辣辣嘅烧蚝！面头一样有大量蒜蓉，熟蚝因为缩水所以一定无生蚝咁大，但系佢烧得刚刚好所以就唔会缩太多，涨卜卜都几厚肉，咬落好软绵绵，而且保存到d
舖头望落似有返咁上下年头，无咩装修布置，只有四、五张枱。墙身贴满晒印住菜式嘅纸，仲要图文并茂，方便大家谂食咩嘅时候做reference。
太多选择嘅情况下我通常就直接睇套餐但系二人餐有个烧安格斯牛仔骨，我唔食牛，隔离𠮶个又唔想独食，谂住转軚散叫之际老板好好人话帮我哋换做鸡扒，咁就perfect叫个二人餐啦！
皇牌二人套餐（特价$298）
- 秘制蒜蓉烧西非八头大虎虾或招牌秘制蒜蓉烧扇贝皇
本身应该只可以二选一，不过友善嘅老板就比我哋每样一只试下。个扇贝同虾嘅size都同手掌有得比，然后面头有劲量嘅蒜！贪食小狗见到野食就即刻想拎起，结果刚烧好太热辣亲手指头！好唔容易咁冒著热咬一啖，虽然蒜好浓味，但都无盖过海鲜嘅鲜味。扇贝同虾都好厚肉弹牙，不过个人中意虾多d，味道更加浓烈！
- 秘制蒜蓉烧美国生蚝
之前食咗咁多冻冰冰嘅生蚝，今次要食热辣辣嘅烧蚝！面头一样有大量蒜蓉，熟蚝因为缩水所以一定无生蚝咁大，但系佢烧得刚刚好所以就唔会缩太多，涨卜卜都几厚肉，咬落好软绵绵，而且保存到d蚝汁
- 盐烧日本鲭鱼
平时我哋一定唔会叫烧鱼食，但呢个鱼令我哋有惊喜啊～鱼皮烧到好香脆，而鱼肉仲系好嫩滑，而且好有鲜味，加少少柠檬汁味道更加出呢！
- 蜜糖烧鸡扒
烧鸡扒算系比较普通啦，值佢皮薄肉嫩少脂肪系我嘅欣赏嘅！
- 孜然烧鸡软骨
孜然粉系串烧嘅好朋友，鸡软骨又点都唔会难食嘅......
- 清香翠肉瓜
同样加咗孜然粉所以好惹味，要赞嘅系佢烧到表面金黄但咬开都仲有汁漏出黎架！
蒜蓉麻辣娃娃菜大蚬（$88）
老板问我哋食唔食得辣，我哋话ok佢就介绍呢个比我哋，然后一试真系大推！佢个汤汁系会愈食愈上瘾架！辣味嘅强度系条脷到不断增加，但𠮶种香系令你忍唔住要继续食，留晒汗留晒鼻水都无问题d大蚬真系好大只又好鲜，但我更加中意吸咗汤汁嘅娃娃菜～
依家舖头做紧三周年优惠：1）惠顾晚市二人送虎虾刺身，四人送三文鱼刺身；2）惠顾宵夜88折；3）原价$68嘅鲜辣酱可以优惠价$28换购（鸡扒旁边碟酱系呢到嘅自家辣酱，超级惹味！我都买咗三樽）
张贴
