Popinjays

营业中

休息中

见 popinjays 出左新menu就试试☺️ Gran Crudo海鲜拼盘够晒豪华，有齐生蚝、红虾，海螯虾、腌制带子、吞拿鱼、鱼子酱等，海螯虾好鲜甜，其他腌制嘅刺身都好出色，配酒一流。Insalata Di Polpo 烧八爪鱼同烟熏薯仔，八爪鱼劲淋身同富有烧烤香味。两款手工意大利面都必点☺️ 自家制三文鱼意大利云吞配柠檬牛油汁，满满嘅三文鱼同蟹肉，鲜味十足，再配埋柠檬牛油汁都几夹。红酒炖牛肉手工意粉，慢煮牛肋肉加埋巴马臣芝士酱汁一齐煮，个汁劲rich，同埋用左阔条面真系好挂汁好正。主菜嘅特色南意大利酱汁烧海鲈鱼真系大推，用左迷迭香、鼠尾草同柠檬一齐焗，鱼皮焗到好脆但鱼肉岩岩好，唔干，连我呢个一般食差熟鱼嘅人都觉得几惊喜。