影片
更多
2019-12-27
1815 浏览
是日一班朋友黎庆祝平安夜，呢个烧烤场系井栏树村，我地黎左呢到烧野食好多年啦，入黎都几方便，大部分去西贡既车都会经呢到，我地系由坑口厚德街市门口坐11号小巴，留意系坐往彩虹港铁站方向既11号小巴，唔系去坑口村方向，上车时同司机讲声去井栏树，一般都会提你落，落左车后落隧道行去对面村口到，再直行行到最入就到烧烤场，烧烤场系最入既位置，假如揾唔到路都可以call店家，佢地都好肯带你入去。呢到需要预约定，因为佢地都要预人数，最少6人先起炉，唔够6个都要俾6人钱，而家要先俾500蚊订金到时找数时扣数，佢而家系150蚊一位任食，野饮就包一罐汽水/一支水。虽然冇讲明啦，但其实自带酒水零食果啲，佢地都冇介意既，有一次帮人庆生，我带左蛋糕，店家都会帮手雪住。呢到最开心既地方系店家真系好亲切，所以先会黎足甘多年。最正系无敌大草原，日头我都黎过，真系好好视野，系好岩带小朋友或狗仔黎亲亲大自然。分前后草地，近烧烤场呢片草地系有啲游乐设施，有千秋摇摇板呢啲。后草地近入口呢片黎，而家开放左俾人露营，日头仲有羊羊系到食草。佢烧野食位有上下两片，下边系露天位，上边系有得遮阴位，可以自己同店家要求坐咩位，有位佢地都会尽量
最正系无敌大草原，日头我都黎过，真系好好视野，系好岩带小朋友或狗仔黎亲亲大自然。分前后草地，近烧烤场呢片草地系有啲游乐设施，有千秋摇摇板呢啲。后草地近入口呢片黎，而家开放左俾人露营，日头仲有羊羊系到食草。佢烧野食位有上下两片，下边系露天位，上边系有得遮阴位，可以自己同店家要求坐咩位，有位佢地都会尽量配合。
食物种类都有写哂，睇落唔多，但食落唔会寡，而且质量高，啲食物腌得够味，丸都唔系差既丸。
食物会准备好哂，唔够可再添，添指定食物都可以。
任食
$150
96 浏览
0 赞好
0 留言
炉会帮手起好，中间自行加炭就可以。
最正食完唔洗自己执，食物又一早准备好哂，炉又有人准备好，咩都唔洗带，又可以亲亲大自然，好岩一大班人黎烧野食，最重要店家真系好亲切，所以黎左甘多年都仲会黎。
张贴
