和幸刺身燒肉居酒屋 (已結業)

食饭时间行过铜锣湾唔知食咩好，咁岩拎左张阿姐派既传单，就把心一横去试下呢间楼上铺。门面不俗，有设计过的日本特色餐厅，入到去都有热情的侍应招待，彷如重度日本之旅般。叫左两个set lunch，一个杂锦烧肉定食同鱼生定食，两个饭都令人有不错的印象。杂锦烧肉饭既肉系要自己烧的，鸡、猪、牛肉各两块，每块都鲜嫩多汁，有烧肉店的水准。配上一口白饭，令人有食过返寻味的想头。 定食中仲有沙律，蒸水蛋，面豉汤，全部野既水准都几好。另外鱼生饭定食都差不多，再额外送上两三片的三文鱼，三文鱼唔算厚身，但肉质滑而且肥美，其他的鱼生都颇为新鲜，系中午饭食到呢种质素都无乜可以挑剔。最后仲有牛奶布丁作饭后甜品。