西貢海灣會燒烤大王

西贡多数都系食下tea, 行下大街，玩下狗仔，chill返下。 估唔到而家西贡都有得烧烤！收费都算正常，最贵既时段都系218, 最平只系$188咋(可以睇返下面张图) 要讲到大型任食烧烤场一定系美孚莫属，相比之下，呢度环境舒服好多，每一台之间都有好阔嘅空间，出入方便啲，亦都比较通风(美孚真系好焗下)。烧烤场有两个大嘅雪柜放肉类，蔬菜类就有一个高身雪柜放，种类都唔少既。另外一个优点，就系呢度嘅饮品系可以免费添既。好多任食烧烤场只系提供一支饮品，要再加就要畀钱。大家都知道烧烤一定要饮多啲嘢，呢度就可以任饮，唔使额外嘅收费，爽！！除咗自助烧烤食物，仲可以预定海鲜，有4人至12人不等既set。如果追求食物质素嘅，可以有呢个选择，仲可以有职员帮手烧埋！每个烧烤炉嘅空间都好阔，加埋个绿草地，感觉非常舒服会场提供埋餐具烧烤叉等等，就咁带个人黎就食得！如果一大班人嚟到，应该可以包一个场。会场有提供音响设备，开party啱晒！