小欖燒烤樂園 (已結業)

自从有小朋友之后，多数聚会都系同妈妈们，揾节目首要轻松方便，大人小朋友都照顾到。我最爱就系BBQ，其中小榄烧烤乐园，近年都系我最爱之一。呢个云海一色既美景真系百看不厌，望住个靓景烧烤，真系令人心情开朗。场内亦一如以往咁整齐干净。超过三十款精心腌制既烧烤食物，次次拎住个盆拎野食，都要左思右想一大餐，样样都咁吸引，食边样先好呢。另外设有小卖部，有啤酒汽水雪糕等售卖，价钱都算合理。随便夹就已经一大盆战利品啦，全部都好有质素，最出色系腌料，肉类都腌得够浓够入味。我其中最欣赏系黑椒猪颈肉同土匪鸡翼。黑椒猪颈肉肉质鲜甜，非常juicy，唔觉意烧耐左都唔干唔鞋。土匪鸡翼同谭仔果d有得挥，惹味十足，自家制出面买唔到架，必试。另外每次必食法包，记得加$2要埋个自家制牛油，法包烤2烤，加上融化左既牛油，西餐厅都未必食到咁高质素。园内仲有好几款自费烧烤食物，最巴闭出位都可算系乳猪喇，虽然我好想试下，但可惜冇咁多人一齐食。今次我拣左鲜味花蚬，冲冲水之后加入盐同蒜蓉，用锡纸包好，放炉边烧10分钟左右就得喇。睇下烧熟后只只都开晒口，蚬肉肥美饱满，仲要鲜甜多汁，比得上新鲜靓蚬架，每包仲要有4、50只，绝对抵食！去洗