炑八韓烤 (黃金廣場) (已結業)

早前有个朋友介绍我们有间韩国烧烤叫「炑八韩烤」都几好，所以今晚我们去咗他们喺铜锣湾黄金广场嘅分店食晚饭！我们叫咗个顶级套餐「烤肉」、牛笑面、水冷面、士多啤梨梳打、菠萝梳打、蓝天使同韩国士多啤梨冰沫！我们落咗单后个店员就攞咗沙律、泡菜、海带同大豆芽菜等嘅餐前小食！炑八牛肋骨嘅牛味好浓，烧完之后嘅香味更加浓郁！牛小排腌得非常入味，肉质好嫩滑！厚切牛舌好爽口弹牙！厚切五花腩，店员教我们用生菜同白萝卜片包住五花腩一齐食，口感非常爽脆同清新，唔会有油腻嘅感觉！大虾啖啖肉，肉质好弹牙，有专人帮我们烧，烧完仲帮我们起埋壳，真系好自在，系人生一大享受！大八爪鱼非常爽口多汁，唔会太韧！水冷面嘅面质非常烟韧同爽滑弹牙！另有多款特式饮品！不过最令人推介嘅系甜品韩国士多啤梨冰沫，冰沫好幼滑，因为冰沫系由奶做成，所以有好香浓嘅奶味，味道好均匀！系本人嘅必食推介！