Green Tech Cafe (已結業)

今次二访Green Tech Cafe食晚饭，餐牌同午市有少少唔同，不过感觉午市多选择D。精选浓汤配香草面包条 ($38)精选浓汤同佢送嘅餐汤一样，都系罗宋汤。汤嘅味道冇出面饮嘅罗宋汤咁酸，我觉得几好味，不过份量太少，配料有西芹、番茄、红萝卜... 香草面包好脆口，但冇咩香草味，沾埋汤一齐食味道就啱啱好。烧烤味鸡翼 ($38)原本我哋系叫唔辣嘅烧烤味鸡翼，但上菜时𠮶样好似我上次黎食嘅新猪肉水牛城，而且今次入口好酸，可能底下嘅沙律菜落咗太多醋，兼带少少辣味 (唔知点解佢话系唔辣)，味道较新猪肉水牛城差。杂锦天妇罗配寿喜烧汤乌冬 ($88)上菜时已闻到好香海带味。天妇罗炸得唔错，脆口得黎唔油腻。如果天妇罗表面撒少少淮盐会更好食。