Foodhall by Moon Thai

营业中

休息中

先介绍眼前呢杯，叫Dirty泰式奶茶。今晚去咗牛头角，喺地铁站附近嘅”Foodhall by Moon Thai”。一打开Menu就知要叫呢杯嘢饮。饮开咖啡都知，饮Dirty嘅原理系一啖饮晒两层嘅结构，所以唔应该捞咗先饮。呢杯泰式奶茶冲嘅Dirty，分层效果做得好好，饮到底都仲可以见到两层，而两层味道嘅分别都好明显，甚至有”甜-淡-甜”嘅效果，味道相当唔错。跟住讲返嘢食。呢度嘅烧烤出品相当唔错，烤香茅猪颈肉，外脆内软有炭香味。烧羊肉串，好特别，唔会膻，不过羊味争少少。跟住我哋叫咗”玛莎曼咖喱牛肉”，其实就系黄咖喱。一啲都唔辣，点酥饼食好舒服，咖喱味好香，果然系咖喱之王！最后叫咗芒果糯米饭，食落味道丰富。又冻又甜嘅芒果，同热嘅糯米饭一齐摆入口，感觉好似返咗泰国咁！最后要讲讲环境，呢度有落地玻璃，空间感非常充足，一路食一路听到厨房嘅炒镬气声，几好feel。