富泰燒烤樂園

营业中

休息中

今日去到屯门𠮶边，同朋友烧烤拣咗个好平嘅场，我都冇谂过𠮶度性价比可以咁高！由于临近中秋佳节，已经有好多中国传统嘅灯笼挂咗喺度，令成个烧烤场好有节日气氛。我同朋友好肚饿出咗去出边攞嘢食，发现佢啲冻肉全部都系独立包装，同一般嘅烧烤场好唔同，简直够晒卫生方便，呢边嘅嘢食都包容万有，有我最钟意食嘅叉烧同烧卖，个火烧得好旺，我哋一烧就烧咗20几粒烧卖，而且粒粒金黄色，脆中带软好香口，再加埋蜜糖就very good！去到尾声仲可以烧埋面包，啲面包切到好薄，好易烘好啊。最后口渴每人都有一支水同埋一罐野饮，仲有我最钟意我嘅沙士，平时喺出边已经好似少饮到。