Grill n More (已結業)

朋友仔生日去咗附近庆祝🎉 餐厅位于油塘，主打烧烤放题，呢度采取全自助形式，想攞咩就攞，唔使等职员帮手～ 整体环境好阔落，座位多，楼底又高，空间感十足，座得十分舒适！另外价钱真系好抵，睇嚟又有多个聚会好去处💖烧物款式众多，安格斯牛肉、牛肋骨、护心肉、特级五花腩等，大部份食材都腌制过，但唔会多到盖过原本嘅肉味～ 个人最推鲭鱼同八爪鱼， 前者大块，嫩滑、后者爽口弹牙，不过要留意返个火候，几考功夫🫣 值得一赞嘅系呢度嘅炉下面会抽走油烟，食完都唔会好大阵味！除多款肉类亦有超过十几款热食，卷物，糖水，中西汤等！原来呢度有做开两𩠌饭，会话热食嘅整体质素十分有惊喜，萝卜炆牛腩、咸菜猪肚、咕噜肉、苦瓜够苦，菜类炒得好有镬气，虽然大家都不停食但餐厅不断refill，唔怕出到去冇嘢食，好难得😎 小食方面有各式炸物，麦乐鸡、鸡中翼、春卷、炸薯条、咖喱角、朱古力炸弹，平时食放题呢类冇咩人食所以通常都会放到淋晒，但呢度竟然脆到夸张，而且仲系热㗎添，完全系大开眼界☺️ 旁边亦有供应三文鱼刺身、寿司、风味韩式小菜、中式包点、甜品同雪糕，亦有梅酒、清酒、啤酒、汽水任饮！整体嚟讲真系好满意，店员服务态度十分有礼貌，仲会帮手