東京チカラめし

营业中

休息中

去亲日本旅行，总会有啲时候要去快餐店食个快饭，然后继续shopping。仲未有得出关，继续喺香港寻找日本的味道，今次锁定目标，就系喺旺角嘅东京チカラめし，在日本开业超过45年，而香港店更是它们首间于海外开设的分店，开业至今依然会有人龙呀！门面的招牌已经超有日本风味，大玻璃窗令环境睇落更阔落，而餐牌当然以丼饭为主，包括：牛丼、豚丼，另有定食、咖哩和配菜等，一定食得饱！芝士烧牛肉丼 $55一场嚟到，当然要食名物牛肉丼饭！烧好的牛肉上洒下芝士碎，肉香中带芝士味，更惹味。单点烧牛肉 $40想食多啲牛肉嘅话，可以另外单点，满足口腹之欲。温泉玉子 $15 忍不住不叫的温泉蛋，蛋香满满。吉列猪扒定食 $60 吉猪吉猪！定食以这个价钱来说算丰富，有吉列猪扒、饭、椰菜丝、面豉汤，记得吉猪要蘸吉列酱或沙律酱吃。唐扬炸鸡 $15一客有3件，炸鸡保留到肉汁又够滑，两个人唔够分！饺子$15饺子底部脆脆，咬落有肉香。