炻板燒 (已搬遷) 新店位置

今日同朋友去咗屯门睇戏睇完戏揾啲嘢食,因为都好少入屯门所以就上openrice睇下有咩推介,结果见到一间石板烧好多人推介所以就去试下, 店名炻板烧舖头入面地方唔算太大但系装修得好整洁而且大部分都系卡位都算坐得舒服板烧牛肉餐有五款选择每款可以跟一个小食另外仲有一个面豉汤,一碗饭,一杯饮品面豉汤味道香浓,加上味道唔会偏咸有少少葱花吊味,暖一暖个胃,特别开胃板烧牛小排 首先会嚟个石炉等佢烧热嘅时候用餐厅准备好嘅牛肉脂肪涂上炉面,咁样可以令到一阵烧牛肉嘅时候,牛肉特别香,真系好细心将块牛小排放上石板烧上面好快就见到佢开始转色而且闻到好香嘅牛肉味,我自己本人就比较钟意加少少岩盐落去,我觉得咁样个牛肉味会更加突出当烧到7成熟左右就食得牛肉入口肉质非常嫩滑完全有入口即溶嘅感觉而且脂肪比例都好均匀,令到牛肉味好香浓加上石板烧令到牛肉嘅肉汁全部锁住真系好好味饭素白饭白饭上面铺满日式嘅调味料,紫菜碎,芝麻,食落口特别惹味配埋牛肉一齐食简直系完美唐扬炸鸡 鸡件分量都算大,而且外边炸到金黄色,香喷喷入口食到入面鸡肉肉质嫩滑味道调教得啱啱好仲热辣辣加埋沙津酱更加好味