日本黒毛和牛焼肉 牛太 (MOSTown新港城中心(4期))

营业中

休息中

平日星期三下午2:20分到，当然唔使等位直入，室内地方大，好多卡位，单人座位也有，因为平日唔多客人🤭，佢畀咗四人梳化卡位我，坐得宽阔舒服😍。我点咗一人餐，99蚊牛舌定量(60分钟)𠮶个餐，保守估计有20块牛舌，个餐有面豉汤，饭&泡菜， 再加出面自助任食bar: 日式咖哩饭， 一啲生果 例如西瓜哈密瓜， 甜品( 日式大福 蛋糕仔)，汽水，雪糕(有软雪糕 &维记迷你雪糕糯米糍)，炸物等，同埋沙律菜 ， 另外可以自助攞啲蔬菜嚟烧 (有秋葵、冬菇、红椒、青椒、黄椒等等)。 食完发现最好味系佢个煲日式咖哩🍛， 内面啲牛肉炆得够入味又够腍，而且仲好浓郁牛肉味， 牛奶软雪糕🍦嘅牛奶味都好重，系出乎意料之外有惊喜，好味💯!埋单连加一 $109， 个人觉得 cp值一般，出面啲食物 质素好一般 ， 略有粗制滥造， 亦选择不多，我就觉得60分钟够晒🤐🤐🤐。如果系大食量嘅话，系可以 百零蚊 吃饱个肚，但系咁样纯粹系重量不重质😅。