影片
更多
2018-03-12
1169 浏览
同朋友行完K-11兼买野，见好耐都无食过烧烤野就睇下附近有咩餐厅，揾左阵就黎左伊贺呢度食晏医肚。呢度午市任烧都几抵，埋单都系二百多啲加多＄３０就可以升级任饮埋气水，以尖沙咀黎讲算系咁。系等个炉烧热嘅时候梗系食住啲刺身做前菜，开下胃口先啦。刺身类都新鲜，三文鱼／甜虾／带子都肥美同鲜甜，加上解冻得几好食落无雪味。除左刺身仲有寿司／军舰等，但此行目的系烧肉，所以左火灸三文鱼同牛拖罗就没有了，细细粒咁味道都唔错。黎到烧肉环节，先黎系伊贺烧肉并盘，包括左有一口牛／鸡翼／牛小扒／豚肉及牛肋肉，食完可以根据口味再剔想食边款都几方便。牛小扒／渍壶牛／一口牛都系ENCORE之选，因为牛肉本身都够味，但配上旁边嘅七味同胡椒粉辛辣口感同香味，令到整体味道更好味。除左牛肉，五花叉烧同鸡翼都几好食，鸡翼开边除左易啲入味之外，亦更加快熟啱晒我呢啲钟意食鸡翼但又成日烧㶶嘅人。芝麻味香口，而地狱味虽然辣但够惹味两款都好食。呢度仲有平时少见嘅猪大肠及墨鱼嘴，呢两样都好虾人烧因为真系好易㶶，但值得柯打个黎食。烧完嘅墨鱼嘴好脆口。而猪大肠一啲都唔膻烧得焦脆再点啲烧汁，味道唔错。食烧肉记得点个酸子姜，因为烧个几钟肉都几油腻下
呢度午市任烧都几抵，埋单都系二百多啲加多＄３０就可以升级任饮埋气水，以尖沙咀黎讲算系咁。
系等个炉烧热嘅时候梗系食住啲刺身做前菜，开下胃口先啦。刺身类都新鲜，三文鱼／甜虾／带子都肥美同鲜甜，加上解冻得几好食落无雪味。除左刺身仲有寿司／军舰等，但此行目的系烧肉，所以左火灸三文鱼同牛拖罗就没有了，细细粒咁味道都唔错。
黎到烧肉环节，先黎系伊贺烧肉并盘，包括左有一口牛／鸡翼／牛小扒／豚肉及牛肋肉，食完可以根据口味再剔想食边款都几方便。
牛小扒／渍壶牛／一口牛都系ENCORE之选，因为牛肉本身都够味，但配上旁边嘅七味同胡椒粉辛辣口感同香味，令到整体味道更好味。
除左牛肉，五花叉烧同鸡翼都几好食，鸡翼开边除左易啲入味之外，亦更加快熟啱晒我呢啲钟意食鸡翼但又成日烧㶶嘅人。芝麻味香口，而地狱味虽然辣但够惹味两款都好食。
呢度仲有平时少见嘅猪大肠及墨鱼嘴，呢两样都好虾人烧因为真系好易㶶，但值得柯打个黎食。烧完嘅墨鱼嘴好脆口。而猪大肠一啲都唔膻烧得焦脆再点啲烧汁，味道唔错。
食烧肉记得点个酸子姜，因为烧个几钟肉都几油腻下，所以食个酸姜平衡一下，补充战斗力。
烧到差不多去到尾声，就转攻炸物。薯格／多春鱼／炸虾／炸鸡等都几好食，现炸完热辣辣上台，亦无多余油分。尤其系炸双皮奶卷甜甜地又多软滑，用黎做甜品都唔差。
最后食埋个MOVENPICK雪糕，降温又消滞就捧住个肚走了。呢度整体格局都坐得舒适，抽风得好所以食完都无咩油烟味跟身。
张贴
