影片
更多
2022-05-26
2171 浏览
烧肉の夜放宽晚市之后都冇出过去食烧肉，趁得闲就约咗朋友出嚟食烧肉顺便倾吓计😋平日都算多人，餐厅有分吧台卡位普通座位同房，我哋无订座就安排坐吧台位置。餐厅中间有一部清酒机，店员介绍𠮶阵 $248 Free Flow! 店员介绍𠮶阵都话有10几款清酒!! 可惜第二日要返工，唔敢饮咁多就只系叫咗一杯Suntory ($58)同埋一杯烧酌 ($65) 🍶其间都见好多人去REFILL清酒的~🔸青苹果沙律$78 先食个沙律，有蟹子、蟹肉、青瓜丝同青苹果，酸酸地够晒开胃。🔸烧鳕鱼干 $58脆卜卜香口嘅鳕鱼干，吹水饮住酒当餐前小食咁食啱晒。❤️以下食物都系有店员代劳🔸寿喜烧 $398 睇住店员整寿喜烧，和牛片加埋甜甜嘅寿喜烧酱汁，蘸蛋浆系最佳嘅配搭。🔸甲罗烧 $98甲罗烧系鹌鹑蛋同蟹膏，有店员搅匀之后拎去烧，烧好之后配埋梳打饼食，更加突显到咸香味。🔸炭火鸡 $98日本产嘅鸡肉，皮脆肉嫩，睇住店员用烤焗嘅方法去烧，食落仲有烟熏嘅味道。🔸日式蒜蓉大虎虾 $196都系有店员代劳，虎虾肉爽口弹牙，加蒜蓉更加香同惹味❤️之后就到返自己烧喇!🔸牛肉盛合 $368由餐厅厨师拣嘅日本和牛加美国牛嘅盛合。有油脂丰富嘅日本
放宽晚市之后都冇出过去食烧肉，趁得闲就约咗朋友出嚟食烧肉顺便倾吓计😋平日都算多人，餐厅有分吧台卡位普通座位同房，我哋无订座就安排坐吧台位置。餐厅中间有一部清酒机，店员介绍𠮶阵 $248 Free Flow! 店员介绍𠮶阵都话有10几款清酒!! 可惜第二日要返工，唔敢饮咁多就只系叫咗一杯Suntory ($58)同埋一杯烧酌 ($65) 🍶
其间都见好多人去REFILL清酒的~
🔸青苹果沙律$78 先食个沙律，有蟹子、蟹肉、青瓜丝同青苹果，酸酸地够晒开胃。
🔸烧鳕鱼干 $58脆卜卜香口嘅鳕鱼干，吹水饮住酒当餐前小食咁食啱晒。
❤️以下食物都系有店员代劳🔸寿喜烧 $398
睇住店员整寿喜烧，和牛片加埋甜甜嘅寿喜烧酱汁，蘸蛋浆系最佳嘅配搭。
🔸甲罗烧 $98甲罗烧系鹌鹑蛋同蟹膏，有店员搅匀之后拎去烧，烧好之后配埋梳打饼食，更加突显到咸香味。
🔸炭火鸡 $98日本产嘅鸡肉，皮脆肉嫩，睇住店员用烤焗嘅方法去烧，食落仲有烟熏嘅味道。
🔸日式蒜蓉大虎虾 $196都系有店员代劳，虎虾肉爽口弹牙，加蒜蓉更加香同惹味
❤️之后就到返自己烧喇!🔸牛肉盛合 $368
由餐厅厨师拣嘅日本和牛加美国牛嘅盛合。
有油脂丰富嘅日本和牛：三角肋小排、背峰、三角肥牛
美国嘅就有：牛小排、翼板
仲有牛舌同埋牛心。
日本和牛雪花纹靓又油脂丰富，入口系浓郁嘅油脂香。美国牛嘅肉味相对重啲，厚切嘅牛舌爽口，牛心爽脆。厨师已经用盐同埋黑椒调味过，所以烧好就咁食已经够晒味。
🔸壶溃美国牛仔骨 $128有烧肉酱汁腌过，味道微甜而肉质软淋，最好食梗系黐住牛仔骨骨位嘅筋膜😋
🔸日本鸡颈 $58平时比较少烧嘅部位，又估唔到几好食，口感系爽口嘅。
🔸伊比利亚梅头 $78Juicy!! 烧好之后剪开仲爆肉汁😂肉质系爽口弹牙，蘸少少由餐厅自家调制嘅烧肉汁已经够晒味。
🔸猪大肠 $48平时比较少食，估唔到烧过嘅猪大肠系几好食，餐厅有腌制过，烧到外层少少脆入边软淋，香口惹味，都系一个好好送酒嘅烧物
想赞一赞店员服务贴心又细心，叫盛合会问一问会唔会唔食内脏。换碟同收碟都好快手 ^^ 同埋有店员帮手烧嘅都系一啲比较难掌握嘅种类，有人代劳😗咁就唔怕自己烧得唔好而浪费咗啦。
张贴
