新麻蒲 BBQ (波斯富街) (已結業)

新麻蒲有好多分店，今日就黎咗铜锣湾嘅分店。一入到去就见到好多唔同国籍嘅客人，估唔到咁出名，所以餐牌有齐哂中英韩文。因为野食多到眼花撩乱，有选择困难症嘅我地最后叫咗猪肉套餐($368)。套餐包括护心肉，五花肉，猪排骨，什锦拼盘，部队锅。肉类同拼盘用一个3层架黎上枱，拼盘入面有年糕，蘑菇，猪肉香肠，大虾。护心肉同猪排骨烧完之后肉汁超鲜甜，可能系因为用秘制嘅医汁黎腌，五花肉嘅腩肉同瘦肉条理分明，好有口感。餐厅会提供前菜，亦有生菜提供，包住d肉一齐食，冇咁油腻，口感亦丰富左。部队锅上枱嘅时候好清，煮煮下汤底先会开始变成橙红色。同其他店铺一样，有韩式拉面，年糕，香肠，金菇，午餐肉等等，冇咩特别，不过比起平时食嘅冇咁辣。总括黎讲，环境舒适，服务周到，依个猪肉套餐比教适合咩都想试试嘅人，不过分量就较少。