YAKINIKU KAKURA (Tower 535)

营业中

休息中

突然好想食日式烧肉，今次相约朋友去铜锣湾高质烧肉餐厅，地点方便环境舒适。大判烧黑毛和牛西冷店员见我地无从入手，都好主动帮我地烧。和牛油脂丰富，轻轻一烧已经食得，切得大块薄身食落唔会咁油腻，加埋生鸡蛋口应更滑。和牛他他新鲜肉味浓，牛肉嫩滑，配上紫菜、洋葱、蛋黄，点少少酱油已经好好食。腌鳕鱼胃袋系餐牌见到好特别，食落一啲都唔鯹，切到细细粒好咬口。海鲜盛盒有帆立贝，海老，乌贼海鲜份量都好多，足料大大只，特别系乌贼，烧完一啲都唔韧，仲非常鲜味。生蚝蚝味浓，用牛油煮香味更出。牛舌爽口肉汁丰富，加埋白饭一齐食一流。紫菜饭用上珍珠米，配上牛肉食可以减轻油腻感。