LAB10 (裝修中)

如果拣烧肉同打边炉，我一定系拣烧肉，仲要系放题𠮶只。呢间位于朗豪坊嘅Lab 10好多时都排长龙，我今日特登一早嚟开餐，所以好快就有位。店员首先会安排一份食物俾食客率先品尝，之后自己可根据餐牌随意再落单。梨汁牛五花净系卖相都觉得高档次，牛五花切薄得呈半透明状态，而且用梨汁腌制过之后，肉质就更加嫩滑可口。牛肉都有好多选择，安格斯牛板腱、牛肩肉、牛脊肉、一口牛味道都唔错。猪肉和鸡肉都各有唔同款式，而我就特别推介秘制猪肋骨，腌得特别好味。呢度仲有泡菜同新鲜沙律菜，可以夹住烧肉一齐食，减去油腻感。炸物都相当丰富，我就特别推介虾多士， encore咗几次。海鲜类既新鲜又丰富，分别有鱿鱼须、海虾同大蚬。烧鱿鱼特别正！最后仲食埋烧蔬菜，扫上少许汁就更加惹味。呢度除咗烧肉，仲竟然有肉酱意粉，包你够饱。我哋仲分别点咗菠萝梳打同青柠梳打，少甜又清新。