新麻蒲 BBQ (波斯富街) (已結業)

同朋友打波之前行经附近，见到依间韩国野都唔错，于是就入黎试下。虽然佢系主打烧肉，但系除左烧肉之外仲有其他野食，见到有份menu讲既秋冬限定韩式锅物，都几岩我地食，所以就一于食锅物，下次有机会再食韩牛烧肉。 咁佢个韩式锅就有人气海鲜锅同埋牛肉野菇锅，因为最近其实都食左唔少海鲜既关系，所以就拣个牛肉锅，248港元够两个人食。 个锅黎之前有各种各样既前菜，我地食完沙律之后侍应仲问我地使唔使再添，因为我地谂住留肚既关系，所以都系唔使了。另外，个餐仲配一人一个白饭。 个锅终于黎了，其实都好大锅，好足料，有各式各样唔同既菇类，岩哂我，中间就有牛肉，牛肉系加左配料腌过既。之后侍应就就倒D 牛肉汤落个锅度，等一阵就有得食。 牛肉汤底鲜味，而且D 配料吸哂D牛肉味之后，非常正，牛肉不错。另外，成个锅虽然话系二人份，但系份量都系好多，我地食哂D饭之后，都仲有好多𩠌，最后都系好努力咁食，都仲有些小食唔哂。