La Postre (已結業)

平时食开任食嘅，可能质素差会冇咁好，而且服务都唔系咁周到。而呢间单点嘅「金金日式烧肉」，就真系有返啲保证。环境方面，真系够晒宽敞，完全唔会大髀贴大髀，装修都好日式风格，而员工都非常之足够，你一叫佢都差唔多即刻嚟。比较特别嘅系，叫咗个18cm五色胡椒牛胸腹，顾名思义真系有18 cm咁长，除咗烧嘅时候比较麻烦之外，佢嘅味道亦都非常之足够，肉质食落都几有咬口，唔会话好似落咗松肉粉咁，调味过后，都非常之惹味，仲几多汁添！当然仲叫咗啲比较贵嘅牛，就系佐贺A4和牛里肌肉，油脂分布非常之平均，而且少一阵就得，千祈唔好烧到熟晒会浪费左只牛。佢嘅油脂非常之多，食落非常之香，搞到你会想一旧接一旧。"