神燈燒 (已結業)

入嚟已经比𠮶个蓝色嘅阿拉丁吸引住，真系符合呢间餐厅嘅主题。入到餐厅，好凉爽，冇油烟味，位置好空旷，侍应亦都好有礼貌介绍点样用QR code落单，非常方便。安格斯牛有好多唔同款式，有牛颈肩，封门楼，一口牛柳粒，自己最钟意就系食牛柳粒。一啖一粒，好好味。仲有唔同嘅刺身，三文鱼，吞拿鱼，甜虾，自己最钟意就系食甜虾，好新鲜！三文鱼沙律，都有惊喜。估唔到佢个黑毛猪五花篮都好好食，真系令我流晒口水。水产方便，有我最钟意嘅烧生蚝，连生蚝都可以入嗌，今次真系超级抵食！生蚝好新鲜。连埋蒜蓉，超级好食。小食方面，有鸡翼，炸鸡软骨，炸鸡块，全部嘢都好好食。未讲完，出边仲有得自己拎嘢食，有关东煮，咖喱牛腩饭，中式汤，中华小食，例如八爪鱼，仲有其他可以自己夹嘅东西，例如鸡扒，牛丸，椒盐鸡翼，总之一定有样嘢啱你食！甜品方便，佢竟然有特色嘢饮，例如珍多冰，凉粉冰，黑牛，其他餐厅都唔会有呢一个选择。