響 - Hibiki 日本燒肉 (已結業)

今日约左几个朋友食呢间烧肉放题，知道呢间都好似几多人食，所以都book定位。晚市放题送海鲜拼盘，个人认为带子同虾最出色，带子有粒小牛油系上面，烧个时牛油渗入左带子里面，又多汁肉又嫩。虾就超级大只，肉质鲜嫩，食落又唔觉好腻。仲有一条喜之次，都几正，啲肉质都唔差几嫩。肉类方面，卖相唔错，油花都算分布平均，而我特别要提既系澳洲和牛胸，因为佢系咁款只牛里面最好食，入口即融而且唔"韧"，识嗌一定再嗌佢，而和牛肉眼都ok系第二好食。七味豚拖罗就几入味，有浓郁肉香加七味粉作调味，几有口感。鸡翼都大只肉质都嫩不过就咸左啲。剌身就全部都好新鲜，海胆肥厚好似带点海水鲜甜，好有口感，再配合埋紫菜包黎食都得。生蚝就肉质丰厚，虾都大只爽口。八爪鱼片都几有咬口，三文鱼、吞拿鱼同带子都几滑嫩。其他食品例如炸物、串烧同锅都唔错，热辣辣咁上，炸得几脆口。甜品黎讲食雪糕雪条都无问题，有多款口味，一定有款岩你食。