濟州燒肉食堂

营业中

休息中

揾餐厅既时候发现原来德福冇乜韩国餐厅，见到呢度除左有烧肉，仲有好多款韩式料理选择。同出面好多韩国餐厅一样，前菜无限任添，泡菜好食得黎唔会太辣，另外炉边既泡菜蛋同粟米芝士都系可以再fill，好满足。今次叫一款烧肉餐同两款韩式料理。📎海鲜煎葱饼：海鲜足料，食到好多鱿鱼，个饼比较厚实，一定要趁热食，挂住烧肉摊冻左即刻变到好硬。📎人参鸡：半只鸡入面酿左糯米饭，比较平平无奇，一来食唔到人参味，二来个汤都冇话特别鲜。📎名物雪花五花肉奢华四品：四款分别系牛小排、牛舌、名物雪花五花肉同埋苹果梨汁鸡肉。牛小排油脂分布平均，有香浓既肉味。五花肉够哂厚切，层次分明，肉质有弹性，肥而不腻。最有惊喜系伴碟既苹果，原来烧苹果系咁香，有少少焦糖味咁。整体黎讲烧肉系几高质，而家店员服务都好好，有帮手剪肉同烧肉，refill d前菜都好快，但韩式料理就比较一般，如果下次再去应该主要都系会叫烧肉餐。