漢和韓國料理 (已結業)

同朋友去左呢间汉和韩国料理食烧肉放题。店内环境宽敞，冷气够，光线虽然唔系光猛但柔和舒适，卫生情况都满意，冇好油笠笠嘅感觉。除左韩式烧烤，仲有唔同款式食物，例如春卷、虾片等小食，炒饭、三文鱼、连猪脚姜都有，仲有寿司刺身，沙律吧，老火靓汤等等，特别想赞下佢三文鱼供应，可以随意夹又refill得快，能够尽情地食。而三文鱼质素不差，色泽靓够鲜美，厚切有口感。炸物例如春卷、海鲜煎饼同煎堆等就麻麻地，粉太多加上冻左，我地尝试放喺铁板上焊热一下，都系救唔返。不过虾片系吸引小朋友嘅。另外，朋友见到猪脚姜好开心，猪脚同蛋都好足料，反而姜就唔多。烧肉方面，都系自助形式，食材种类多，有鸡翼，牛仔骨，黑椒牛扒，龙利柳，猪颈肉等等，仲有新鲜蔬菜，应有尽有 。味道方面，牛仔骨好腍又多肉，味道带甜，肉质嫩滑，唔洗点酱汁，已经觉得好好食。羊肉味道浓，喜欢食羊嘅可以一试。甜品选择唔算多，都系水果、雪糕、桂花糕同牛奶布甸，奶味够浓，入口嫰滑。虽然食物种类款式唔算好多，但胜在近屋企，又有free parking，价钱唔贵，大家今晚都食得好开心👍