鳴橋燒肉料理 (已結業)

大少收早，又可以出去揾好嘢食，呢啲时间唔洗同人迫就最开心~ 近来发现油麻地多咗好多好嘢食，于是行去望下~ 大少话好想食日本嘢，而我又好肚饿，放题就最好。路过见到呢间放题有烧肉，又有刺身，价钱仲要好抵，唔洗考虑，一于试下。$178 有咁多款嘢食，好抵，我地再加$40升级，因为个牛肋肉同带子刺身好吸引。先黎一个刺身并盘，件件都好新鲜呀…仲有马刀贝真系超好食，爽口鲜甜，大多数放题嘅刺身都好一般（除非系贵嘢啦）再黎叫咗牛肋肉，羊架，一口和牛，猪背肋，卖相都好新鲜，而且系肥瘦适中，先试牛肋肉，好多汁，冇点调味料都好好食，而且牛味超浓，升级咗真系冇错，猪背肋之前都冇试过，原来系好爽口，有少少猪油香味，但又唔觉得好肥腻，好食！一口和牛粉红色架，入口啲牛油出晒黎，正呀！其实其他嘅肉都好好味，好多时啲烧肉一系用腌料腌过，一系就用梳打粉，搅到冇晒肉味，呢度啲肉真系唔错。另外仲叫咗海鲜，佢地都配大量蒜蓉，烧完真系好香。仲有天妇罗，即叫即炸，啲粉浆唔会太厚，好脆口。正！最后再叫多次猪背肋同牛肋肉，食完想再去食呀！总结：店舖虽小，但食物质素真系好好，呢个价钱真心抵食！