七輪燒肉 (已結業)

系铜锣湾行完街，就同朋友游下电车河，除左抖下仲可以睇风景及捉精灵，一举几得。坐坐下肚饿，但我地去左西环，于是去左之前朋友介绍既七轮烧肉食晚饭，平时屋企食得菜多，今次要食番D惹味既烧肉先~MENU有好多款肉，鸡、牛、猪、羊都有，我又样样都想试，于是就叫左烧肉盛合，有5种肉，分别系七轮极级牛肋肉、和牛肉胸腹肉、黑豚腩肉薄烧、鸡腿肉及香草纽西兰嫩羊肉，真系样样都试晒~将D肉放系枱中间既铁炉烧就得，劲方便，而且同韩烧唔同，无咁多烟，唔使食到成面油立立。我觉得最好味既系和牛肉胸腹肉，味道鲜甜，肉质口感又好，加上店内的酱油，真系好好味~ 其次我就钟意黑豚腩肉薄烧，骤眼睇好似肥牛咁，但烧完食落好正，因为脂肪比例啱啱好，唔会太油腻，有少少溶化既感觉，仲几香添~咁又唔可以净食肉既，梗系要食番D菜，所以叫左四品野菌盛合，全部都系菇类，正呀~ 初时唔明干争争点烧，一样放落个炉度又烧到㖞，系唔知几时熟同金针菇好易烧焦，但系味道好正，好有菇味，最好味既系大啡菇，又弹牙又好味，第二就系金针菇~无饭不欢既我，去到边都要叫番个饭食，拣左个七轮香葱和牛丼，珍珠米又肥又大粒，和牛都OK，个调味够浓味又香，令到个饭好美味，