影片
更多
2015-11-15
536 浏览
地铁开通左一段时间去坚尼地城，所以多左去个边找朋友食饭。上次经过地铁站见丁新开左哩间日式烧肉，次次都系食韩式烧肉，今次食返日式烧肉先。 由地铁站C出口步行唔洗5分钟就到，好方便。可能早到同平日关系，去到唔洗等位，友人叫左青森苹果汁，而我就叫左柠檬茶。青森苹果汁好饮，系日本个只，唔会好酸，而柠檬茶系普通雀巢。前菜方面，我地叫左一番青瓜同芝麻酱菠菜沙律，个青瓜超新鲜爽脆，配合个秘制酱，别有一番风味。而个芝麻酱菠菜系超级好味，菠菜嫩滑，配合麻酱柔合得宜。系餐牌到见到个极上霜降和牛刺身觉得非常次吸引，价钱相宜，就叫左，配合一个秘制酱汁，卖相吸引，但上面放了太多洋葱，本人不太好洋葱，而牛吸收了洋葱味道，所以令我有少少却步，但整体黎讲，肉质鲜甜，入口即溶，真系好正！虽然食烧肉，但系都系要食返D蔬菜健康D，所以我地叫左个五品野菜盛合，有紫洋葱，友人十分喜爱，而且佢整到好似波板糖，茄子，南瓜，栗米和脆肉瓜，烧完之后香脆点埋个烧汁好好味。主菜我地点左和牛之盛盒，个卖相十分吸引，有牛臀肉，牛嫩肩肉，牛小排，牛舌同埋牛胸腹肉，都系和牛的唔同部位，如果钟意食有咬口既肉，推荐你食牛小排同埋牛臀肉，而牛臀肉系个人
可能早到同平日关系，去到唔洗等位，友人叫左青森苹果汁，而我就叫左柠檬茶。青森苹果汁好饮，系日本个只，唔会好酸，而柠檬茶系普通雀巢。
前菜方面，我地叫左一番青瓜同芝麻酱菠菜沙律，个青瓜超新鲜爽脆，配合个秘制酱，别有一番风味。而个芝麻酱菠菜系超级好味，菠菜嫩滑，配合麻酱柔合得宜。
系餐牌到见到个极上霜降和牛刺身觉得非常次吸引，价钱相宜，就叫左，配合一个秘制酱汁，卖相吸引，但上面放了太多洋葱，本人不太好洋葱，而牛吸收了洋葱味道，所以令我有少少却步，但整体黎讲，肉质鲜甜，入口即溶，真系好正！
虽然食烧肉，但系都系要食返D蔬菜健康D，所以我地叫左个五品野菜盛合，有紫洋葱，友人十分喜爱，而且佢整到好似波板糖，茄子，南瓜，栗米和脆肉瓜，烧完之后香脆点埋个烧汁好好味。
主菜我地点左和牛之盛盒，个卖相十分吸引，有牛臀肉，牛嫩肩肉，牛小排，牛舌同埋牛胸腹肉，都系和牛的唔同部位，如果钟意食有咬口既肉，推荐你食牛小排同埋牛臀肉，而牛臀肉系个人都系第一次食，好有口感。至于牛嫩肩肉同牛胸腹都好鬼正，烧完之后唔洗点汁都好好味，最钟意都系牛舌，好多汁肉质嫩。
最后甜品我地叫左焗棉花糖，因为觉得好得意所以点哩个。棉花糖放系铁碟上，底放了OREO，味道好似平时去BBQ烧野食烧个D咁，不过加左OREO，又几夹。
张贴
