華勝燒鵝 (已搬遷) 新店位置

听讲有间烧腊店新开张，晏昼走去试吓啲下午茶。走到门口，见到下午茶价钱牌都几吸引，跟住走入去。叫咗一碗烧鹅濑粉$33 ，一碗叉烧瀬粉$30。仲有例汤𩠌同埋有嘢饮。瀬粉爽口，烧鹅颜色较为黑，但味道唔错。至于叉烧瀬粉，切得像日本叉烧，味道唔错。𠮶啲女店员都几健谈，原来烧味师傅系大酒楼师傅，走出嚟自己做老细，所以出品都有返咁上下。食完个下午茶，跟住亚姐重介绍啲烧排骨， $55一大盒。跟住仲买咗一盒烧腩仔$66同埋买咗$30叉烧返去啤一啤。又食又拎。烧排骨，烧腩仔同埋叉烧，都好好味，大师傅即系大师傅。