燒蝦蝦 (興泰大廈) (已結業)

呢间烧虾虾系新界区都几出名，我有朋友之前食完都好推介，我今日就终于试到，我地今日食7:30后既时段，$368一位，绝对抵食！流水虾✨任食呢度既流水虾系主角，真系任食，全部新鲜既大头虾系水缸入面游黎游去，每只都好生猛，净系夹啲虾出黎已经好好玩呀！啲虾夹到出黎烧果阵仲识郁架🫣只只都大大只，又有膏，烧完唔驶调味都已经好鲜味好正，又爽口阵牙，出色呀！海鲜✨任食呢度有一大个海鲜枱既海鲜都任夹任食，款式好多，连原条既大眼鸡都有得任食😳鱼肉好鲜味好结实，另外花螺都任食，仲有扇贝都系，劲大饭啰，青口又鲜甜，啲蚬都好正，全部都好得呀！