影片
更多
2023-06-13
267 浏览
终于俾我试到流水虾喇！系屯门杯渡轻铁站附近的《烧虾虾》,每次经过其实都心思思想去试吓,门口有个大大只虾嘅大招牌,真系好抢眼.餐厅面积超级大,走货柜工业风格,casual得来带点粗豪型格感,特别订制的玻璃鱼缸,围住整个dining area,生猛嘅大头虾就会养住喺啲水里面,直至要烧既时候先拎出嚟,保持新鲜! 🔸️海鲜区餐厅主打即烧海鲜,种类真系好多,见到都好兴奋呀.有鲍鱼,生蚝,花甲,扇贝,沙白,桂花蚌,大蚬,原条马友黄脚立,仲要无间断不停refill,重点系海鲜真系好新鲜,我去夹鲍鱼𠮶阵啲鲍鱼仲勾勾㗎～ 餐厅仲要好细心,较细的虾,或者沙白等会用一个小小的锡纸兜装好一份份,咁样就比较容易烧喇 🔸️肉类蔬菜区款式都真系好多啊,包罗万有肉类：羊架,牛小扒,鸡全翼,鸡中翼,肠仔,蟹柳,鸡软骨,鸡皮,鸡肾,里脊肉,烟肉,红肠,各类鱼蛋🔸️蔬菜: 粟米,韭菜,茄子,金菇,秀珍菇,鸡髀菇,冬菇,翠玉瓜,大葱,菠萝餐厅真系好贴心,好多都整好一串串,让客人容易啲烧 🔸️熟食,粉面区茶叶蛋,麦乐鸡,炸春卷,牛角包,方包,法式多士,虾饺烧卖等点心,咖喱鱼蛋,豉椒炒蚬,卤水鸡翼,鲍鱼炆时菜,仲有麻辣汤底,清鸡汤底俾客
餐厅面积超级大,走货柜工业风格,casual得来带点粗豪型格感,特别订制的玻璃鱼缸,围住整个dining area,生猛嘅大头虾就会养住喺啲水里面,直至要烧既时候先拎出嚟,保持新鲜!
🔸️海鲜区
餐厅主打即烧海鲜,种类真系好多,见到都好兴奋呀.有鲍鱼,生蚝,花甲,扇贝,沙白,桂花蚌,大蚬,原条马友黄脚立,仲要无间断不停refill,重点系海鲜真系好新鲜,我去夹鲍鱼𠮶阵啲鲍鱼仲勾勾㗎～ 餐厅仲要好细心,较细的虾,或者沙白等会用一个小小的锡纸兜装好一份份,咁样就比较容易烧喇
🔸️肉类蔬菜区
款式都真系好多啊,包罗万有
肉类：羊架,牛小扒,鸡全翼,鸡中翼,肠仔,蟹柳,鸡软骨,鸡皮,鸡肾,里脊肉,烟肉,红肠,各类鱼蛋
🔸️蔬菜: 粟米,韭菜,茄子,金菇,秀珍菇,鸡髀菇,冬菇,翠玉瓜,大葱,菠萝
餐厅真系好贴心,好多都整好一串串,让客人容易啲烧
🔸️熟食,粉面区
茶叶蛋,麦乐鸡,炸春卷,牛角包,方包,法式多士,虾饺烧卖等点心,咖喱鱼蛋,豉椒炒蚬,卤水鸡翼,鲍鱼炆时菜,仲有麻辣汤底,清鸡汤底俾客人煮粉面
🔸️冷盘前菜区
醉虾,泰式凤爪,辣味螺肉,醉猪手,酸醋萝卜,甘酢生姜,红姜,中华沙律,芝麻八爪鱼,凉拌海蜇,甜酸桥头,胡麻酱蕃茄,全部都pack好一盒盒,干净卫生又方便
🔸️啤酒饮品区
有两个三尺嘅大雪柜放咗好多唔同嘅汽水和冻茶等,想饮热嘢都可以不同的茶叶,自助冲茶；
食烧烤当然要配啤酒🍻先最够爽啦,重点系所有生啤都系任饮㗎！而且餐厅真系好贴心会预先雪冻所有啤酒杯, 生啤有:Asahi,1664,San Miguel,Kirin ichiban,Suntory,Hoegaarden,亦都有罐装嘅嘉士伯,或者支装嘅Apple cider,仲有清酒梅酒等,即系可以令客人饮饱食醉
🔸️酱料区
最喜欢就系混酱㗎啦,辣椒碎,生蒜蓉,熟蒜蓉,香葱,芫荽,牛油,蜜糖,烧烤汁,麻油,沙茶酱,泰式辣酱等 , 可以自己慢慢沟
🔸️甜品区
临走之前记住食埋个甜品呀！有好多款本地或者韩国嘅雪糕雪条,全部都系任食㗎!
🔸️用具区
餐厅仲预备咗即弃围裙,手套,刀叉,筷子,蜜糖扫,锡纸兜等,干净又卫生
绝对相信老板深明客人为食又唔等得之道,所以预备一个两层的烧烤炉,可以同时间烧好多唔同嘅食物,食材新鲜,所以即烧即食,十分惹味！睇住d蚬慢慢开壳,又juicy,真系好治愈呀！不过提提大家记住要睇火啊,如果唔系就好似我哋咁烧㶶咗几次㗎喇！
我哋特登留到最后先食今晚嘅主角大头虾🦐,餐厅会特别预备一个冰桶,先将大虾喺鱼缸入面夹起放入冰桶内,然后再放上炉烧 咁样除咗令大虾的肉会更加爽口弹牙之外,最重要是系烧嘅时候🦐唔会突然间跳起来.虾肉鲜甜弹牙,虾头仲有好多甜香虾膏呀～正！
我地两条友,烧咗几转呀！平日夜晚嚟都系$388一位,无限时,任饮任食,边烧边食,有得玩又有得食,材料款式多又新鲜,店员服务态度又好,我地真系食得好开心呀！名副其实 《笑哈哈,烧虾虾》😋
张贴
