木船泰國粉麵專門店 (已結業)

今日去完郊游， 见到呢间装修几有气氛价钱又唔贵，就入去食个dinner 。 汁烧黑豚腩肉饭 配 冬阴汤呢个饭好有惊喜，豚腩肉片加上烧汁烤到少少浓边，甜甜地嘅酱汁好香口，火候时间啱啱好，食落唔油腻，好好食。佢饭入边仲有温泉蛋，面饭面有麻酱青瓜丝，真系满足三个愿望。 冬阴汤都好饮，佢唔算好辣，但够香浓，推介大家食烧豚腩肉 同埋冬阴汤。香茅猪扒饭(定食) 配 肉丸鸡汤呢个定食好抵食， 七十几蚊有齐晒三款泰式前菜 （ 鱼饼、酸菜、凤爪），汤同大大碟香茅猪扒。好啱人数唔多但系又想食泰式小食嘅人。 而肉丸鸡汤，鸡味都几浓，但个人都比较钟意冬阴汤。咸柠七 泰式奶茶两款饮品都好足料，就算加咗冰都好够味道。小店环境好温馨，有个姐姐级嘅店员好热情。