一盅點心

营业中

休息中

长沙湾有间点心店，全日供应，手工制作，即叫即整，最近推咗个世一烧卖拼盘，集齐甜酸咸辣，而且仲有个挑战赛可以参加，详情可以睇返佢哋嘅社交平台呀～ 烧卖拼盘包含12款口味，8款唔辣4款辣，有怀旧、鲍鱼、鹌鹑蛋、蕃茄海鲜、爆汁墨鱼、芫荽马蹄猪肉、干蒸牛肉、梅菜扣肉、花椒辣、麻辣牛肉、泡椒同黑椒墨鱼，打卡able又好味。点心有分蒸、肠粉、煎炸、炖汤、主食、蔬菜同甜品。古法陈皮牛肉球，三大粒，牛味突出，带点咬口、XO酱菜苗饺皮较厚但胜在馅料饱满、香茜马蹄牛肉肠，入口滑溜，性价比高。私心推介千岛酱脆炸萝卜糕，四大块，外层炸至酥脆可口，唔油腻亦唔粉，超有惊喜。鱼翅灌汤饺汤底清甜、原笼马拉糕十分蓬松，散发著淡淡香气、爆馅叉烧包正常发挥，饱肚之选。