齊柏林熱狗店 (翠怡花園)

营业中

休息中

好耐无食烧卖皇后但屋企附近又无分店...原来齐柏林热狗店同烧卖皇后有个「新春限定」crossover!烧卖皇后×齐柏林热狗店《齐齐行运2人套餐》➖$128 🧧套餐包括咗LZ137 烧卖热狗、LZ129澳式风情热狗、烧卖x飞船小食杯、薯饼2块、汽水2罐。🌭烧卖热狗🌭估唔到香菇猪肉炸烧卖可以摆入热狗，出嚟嘅效果都好夹！有大量炒香咗嘅洋葱加埋咖哩茄汁同辣椒粉配合，味道非常香浓！🌭澳式风情热狗🌭馅料有烟肉、菠萝、烧芝士、纽纶堡肠，配上千岛酱，味道有点像夏威夷风味的薄饼。面层好多芝士，千岛酱和菠萝最夹，带出少少酸味中和油腻感。🥡烧卖x飞船小食杯🥡份量丰富，入面有香菇猪肉烧卖、薯格、洋葱圈、鸡块。香菇猪肉烧卖炸得外皮香脆，内里烟烟韧韧，咬落去菇香浓郁。🥔薯饼🥔香口嘅薯饼，入面见到粒粒黄色薯仔，想Encore！🧋齐茶奶茶🧋餐饮转配加$20。有两款口味，分别系回忆，英女王。回忆系香港人回忆，用钖兰红茶茶叶冲出嚟嘅奶茶，茶味香浓，入口回甘。英女王就是港式茶底加入伯爵茶，使用7种茶叶冲调，口味香淳柔滑。