影片
更多
2015-02-27
1455 浏览
大多数人都响往无拘无束、安闲自得嘅生活，有时总会想著退休后嘅生活，不过，离退休之日仲好漫长，还要挨好多个年日。但喺，将工作、烦事抛诸脑后，跟老友闲闲谈谈，食吓饮吓，一样可以感到逍遥自在。Bilibala结合串烧同酒吧于一身，仿如时代版嘅居酒屋，地方细细，越晏越多客，颇有气氛。虽然只可安排坐晌吧枱，但我哋人少少，只喺三几知己，所以，都方便倾偈。如果得两个人嚟，心水位就一定喺近窗一排，对住夜阑人静嘅希云街，有种时光静止嘅感情！虽然餐厅格局一派酒吧模样，但餐具、器皿仍然以浓厚和风气息为主。3:00pm-8:00pm喺「欢乐时光」，所有酒精饮品75折，怪不之得见唔少客人趁依段时间嚟摸吓酒杯底。巨峰提子梳打 $45虽然有折，但小弟一向唔多好酒，尤其食串烧，就喜欢饮梳打多过饮酒，一热一冻，够爽嘛。杯巨峰提子梳打粉粉哋色，淡淡提子味，够冰凉。角玉梅酒 $88店长嘅推介，所以，朋友又胆粗粗试一杯，佢话估唔到又几易入口，酒味唔太重，反而梅酸味突出，又带有少少甜味。店内唔单止得串烧，食物选择真不少，仲包括佐酒小食、沙律、多款牛肉、鸡肉、猪肉、海鲜类烧物、唔少得野菜系烧物，以及一啲特色烧物，此外，计埋炸物及
Bilibala结合串烧同酒吧于一身，仿如时代版嘅居酒屋，地方细细，越晏越多客，颇有气氛。虽然只可安排坐晌吧枱，但我哋人少少，只喺三几知己，所以，都方便倾偈。如果得两个人嚟，心水位就一定喺近窗一排，对住夜阑人静嘅希云街，有种时光静止嘅感情！
虽然餐厅格局一派酒吧模样，但餐具、器皿仍然以浓厚和风气息为主。
3:00pm-8:00pm喺「欢乐时光」，所有酒精饮品75折，怪不之得见唔少客人趁依段时间嚟摸吓酒杯底。
巨峰提子梳打 $45虽然有折，但小弟一向唔多好酒，尤其食串烧，就喜欢饮梳打多过饮酒，一热一冻，够爽嘛。杯巨峰提子梳打粉粉哋色，淡淡提子味，够冰凉。
巨峰提子梳打
$45
32 浏览
1 赞好
0 留言
店长嘅推介，所以，朋友又胆粗粗试一杯，佢话估唔到又几易入口，酒味唔太重，反而梅酸味突出，又带有少少甜味。
店内唔单止得串烧，食物选择真不少，仲包括佐酒小食、沙律、多款牛肉、鸡肉、猪肉、海鲜类烧物、唔少得野菜系烧物，以及一啲特色烧物，此外，计埋炸物及一品料理，全部合共超过70多款，听店长讲，仲会不时推陈出新。冷日本蕃茄 $58
属于沙律类别嘅冷日本蕃茄，似乎好多居酒屋嘅必备菜式，的确以凉冻清甜嘅日本蕃茄作为前菜，可提升一下客人嘅胃口。今次爽甜多汁嘅蕃茄唔喺配胡麻汁，而喺淋上酱油，再加少许黑松露酱，咁嘅配搭都喺第一次，效果都觉得唔错，浓香嘅松露更突出到蕃茄嘅清甜，而且，仲有轻微芥茉味，真有趣。
冷日本蕃茄
$58
35 浏览
1 赞好
0 留言
一个冷日本蕃茄都未够，再嚟喺温泉玉子沙律，沙律菜、露笋仔、车厘茄、珍珠笋配胡麻汁，正中间嘅温泉蛋一笃开，橙黄色嘅蛋汁慢慢泻下，令整个沙律立时变得富蛋香，爽脆滋味。
温泉玉子沙律
$68
15 浏览
1 赞好
0 留言
只喺洒点盐做盐烧，虽然肉质软腍，肉味又不俗，不过，一客得几粒，仲好细细粒，感觉有点不划算。
安格斯牛柳粒
$68
24 浏览
1 赞好
0 留言
都喺牛舌啱我口味，牛舌烧得甘香，有份「炭烧」香气，厚薄适中，一咬爽口中带点烟韧嘅口感，牛舌独特嘅膻香，蘸少少柚子醋仲好味。
牛舌
$40
32 浏览
1 赞好
0 留言
大葱鸡肉 $35/串试完牛，再试吓啲鸡肉，大葱鸡肉串烧得几靓，又有少少㶶边位，但仍富肉汁，不过，反而啲大葱有啲干同有啲㶶，味道亦唔够香。
大葱鸡肉
$35
27 浏览
1 赞好
0 留言
猪肉类试咗个烟肉荔枝，其实，佢哋仲有烟肉露笋（$35）及烟肉车厘茄（$28）两款。烟肉荔枝都唔喺第一次食，我都几钟意依个组合，油香嘅烟肉，卷住清甜嘅荔枝，调和互补，食亲都觉得好好味！
烟肉荔枝
$32
34 浏览
1 赞好
0 留言
又喺一道油腻嘅串烧，但烧鳝嘅油香真喺宁舍唔同，肉嫩细滑，油香丰腴，而且，烧得皮脆金黄，但适宜一嚿起，两嚿止，多吃无益。
烧白鳝
$88
48 浏览
1 赞好
0 留言
喺时候食番啲蔬菜嘢等自己无咁「内疚」，日本青椒仔的的骰骰，一串4件，面头又洒下唔少木鱼碎。入口外皮脆脆，又几爽口，不过，部份位置烧过笼，㶶咗！
日本青椒仔
$24
56 浏览
1 赞好
0 留言
茄子切到四四方方，有别常见到嘅长条形，师傅应该几钟情木鱼碎，因为晌碟烧茄子又见佢洒下大量木鱼碎，茄子烧得有少少干，所以，感觉无咁好！
茄子
$22
32 浏览
1 赞好
0 留言
成粒大绵花糖咁，个样涨卜卜，外层一咬脆脆哋，再咬深啲，年糕烤得软绵绵，柔韧而唔黏牙，亦食得到香浓嘅芝士味，真喺做得几好食。
烧芝士年糕
$28
34 浏览
2 赞好
0 留言
一边食，就一边讲，七嘴八舌咇哩吧啦咁，时光过得飞快，又要等下餐再聚。
张贴
