California Pizza Kitchen (已結業)

事实上，我觉得Ｄ食物同价钱都ＯＫ。星期日，两个人去食午餐。叫左半份烧鸡凯撒沙律，一客蒜香白汁虾阔面，同一份有几大片牛油果既California Club Pizza（Ｄ人话好食）。可惜两个人叫唔到咁多，所以冇叫人人都赞既甜品。先黎个烧鸡凯撒法律，Ｄ菜几新鲜，加埋Ｄ脆面包粒，食落觉得几清爽。但系，Ｄ鸡就差啰‥‥‥，劲「鞋」，又干又「鞋」，好似用黎煲左十个钟头汤咁。所以，我建议大家叫番经典凯撒法律，冇鸡，应该会好食。之后，客蒜香白汁虾阔面，同Pizza一齐上，个面我地觉得太贵（HKD98），唔系好抵，不过几香，可惜Ｄ虾煮得唔算好食，个面就好食，整体来说好似虾还虾，面还面咁。但系太「漏」、太「济」啦！虽然份量好少，食多两啖就会好饱。到Pizza啦。我反而觉得个Pizza最好食（人人都话Pizza最普通）。菜好多，沙律酱唔算浓味，加堆每片Pizza上既牛油果＋烟肉，Ｄ烟肉硬，Ｄ牛油果软，味道夹得几好，我几喜欢。我本人就几想下次去试埋Ｄ甜品，但女朋友话以后都唔会再黎，因为冇乜特别，又唔平。可能我下次会同朋友再去。