萬發海鮮火鍋菜館

营业中

休息中

一向都钟情食中菜小炒，钟意佢可以大家一齐开心share, 今日去到大角咀试呢间深水埗都有分店既万发，我地系深水埗行过去都系10分钟左右，劲近。7点钟去到都差不多爆场，果然厉害，好彩有一早book位。入到去就点野食，佢地有火锅，小菜，海鲜，好多选择，我地两个人都唔打边炉，叫小菜就算，前后点左3个菜再叫多个汽水，理单都系$340,大家都食到劲饱。上网见大家都会点烧鸡，我地都点左半只$98,半只都好大碟，啖啖肉，外皮走过油，食起来脆脆地，有少少鸡油系旁边，好好食，肉质不错够滑口。XO酱爆双蚌$138，用西芹作配菜，西芹炒得刚好，唔会太硬身，双蚌好爽口弹牙，食得出有XO酱爆得香口。瑶柱琵琶豆腐$68，分量好多，夹理成十几旧豆腐，外皮炸过，非常香口，内里系豆腐蓉，如果再加多少少料入面，口感会再丰富。