影片
更多
2010-04-19
133 浏览
知道呢间鸟羽名古屋料理餐厅已有一段日子，但迟迟都未有机会试到，但试完之后竟有一种相逢恨晚嘅感觉！唯一可惜今次午市到来，下次晚餐到来时一定要再嚟呢间居酒屋狂食串烧豪饮清酒！餐厅装修系一般居酒屋格局，由于楼层面积细，所以分左上下两层。上层系一般堂座座位同厨房吧位，而下层就系独立厢房同塌塌米。而上层嘅墙架上放满左330毫升瓶装清酒墙，如果大家睇中有心水就咁拎落黎就得，每支盛惠$78。名古屋秘制手羽先唐扬($48/5只)，有分原味，中辣同大辣三款。今次叫左中辣试，辣度适中系我还可接受嘅程度。我之前睇过唔少关于呢味炸鸡翼评价，绝对系毁誉参半，因为佢唔系肥大肉厚，啖啖鸡味果种，而系烧得干身惹味果种，最适合佐酒。其实鸡翼本身用左咩酱料烹调我唔打算去理，味道系点心里有数，总之我食得开心过瘾就够...串烧牛舌($28) - 牛舌质素其实唔系一般货色，但胜在师傅功夫到家，烧出黎嘅牛舌几有水准，而且竟可以烧到Medium Rare，实在有啲意外惊喜！砂肝唐扬($38) - 酥炸鸡肾是也！炸得火喉啱啱好，入口唔会太干，咬落亦唔韧，绝对系一级佐酒小食！串烧广岛蚝($28) - 外型上其实真系几肉酸，好似只蚝火灾
餐厅装修系一般居酒屋格局，由于楼层面积细，所以分左上下两层。上层系一般堂座座位同厨房吧位，而下层就系独立厢房同塌塌米。而上层嘅墙架上放满左330毫升瓶装清酒墙，如果大家睇中有心水就咁拎落黎就得，每支盛惠$78。
名古屋秘制手羽先唐扬($48/5只)，有分原味，中辣同大辣三款。今次叫左中辣试，辣度适中系我还可接受嘅程度。我之前睇过唔少关于呢味炸鸡翼评价，绝对系毁誉参半，因为佢唔系肥大肉厚，啖啖鸡味果种，而系烧得干身惹味果种，最适合佐酒。其实鸡翼本身用左咩酱料烹调我唔打算去理，味道系点心里有数，总之我食得开心过瘾就够...
串烧牛舌($28) - 牛舌质素其实唔系一般货色，但胜在师傅功夫到家，烧出黎嘅牛舌几有水准，而且竟可以烧到Medium Rare，实在有啲意外惊喜！
砂肝唐扬($38) - 酥炸鸡肾是也！炸得火喉啱啱好，入口唔会太干，咬落亦唔韧，绝对系一级佐酒小食！
串烧广岛蚝($28) - 外型上其实真系几肉酸，好似只蚝火灾中劫后余生咁，点知入口蚝味十足，味道又真系唔错，不过我就觉得贵左少少～
正食之一就系呢个照烧鸡扒饭set($85)，卖相唔错，照烧酱汁份量刚好，唔会搞到成碗饭太湿，而且鸡皮烧得干身薄脆，鸡肉亦有咬口，唔错～！
正食之二就系杂锦刺身饭($128) - 三文鱼，𫠒红鱼，帆立贝，八爪鱼，海胆，牡丹虾，蟹籽，蟹柳，玉子，墨鱼...十种食材九个精彩，唯独玉子未到家，有如其他港式小店质素～不过如果中意食杂锦刺身饭嘅朋友，呢个绝对满足到你！
如果坚持要食到地道名古屋风味的话，黎到鸟羽或者会破口大骂，但平心而论呢间餐厅食物质素，服务态度同埋价钱收费上，都系相当合理而且高水准。边食边回看餐牌，想试嘅仲有好多，下次有机会一定一班好友黎呢度开怀痛饮，每样串烧佐酒小食都慢慢品尝先得！
张贴
