影片
更多
2008-05-11
25 浏览
五月十日(六)同老婆过左九龙城想食义香既豆腐花，下昼去楼下美心竟然无鸡肶卖，实在奇观，结果只系食左老婆爱心炒乌冬，黎到九龙城立即整番串串烧顶顶肚先！本来想去系开饭睇到既衙前围道小曼谷分店买，但去到间叫小曼谷既似卖甜品多，唔见有串烧亦唔见得旺场，怀疑系假野无帮衬到！行行下见到平时帮衬开既金泰沙冰都有几个人买紧，虽然间野唔知点解卖串烧叫沙冰，但比较埋街尾果间又真系佢最多人，所以都系选择帮衬番佢～烧鸡翼($8)个人认为鸡翼最佳烹调就系烧，当鸡翼烧至皮香肉嫩，配合蜜糖或沙爹，真系人间极品！尼度鸡翼烧得唔错，鸡皮烧得香，鸡肉保存到肉汁，腌味亦都好入味同好惹味，配合埋佢既沙爹汁，非常正！但今次沙爹汁好似稀过之前，不过已经好正～烧牛肉($8)牛肉配合沙爹系另一个绝佳组合，尼度既牛肉串肉质唔错，烧得亦好唔会过火，配合埋好味既腌料同沙爹汁，亦都好好！尼度既串烧真系好食过好多乜乜泰国菜馆既贵价串烧，而且个汁唔会好重花生味系我钟意既沙爹酱类型，$8话平唔平但以佢质素同今时今日物价黎讲都算抵～
同老婆过左九龙城想食义香既豆腐花，下昼去楼下美心竟然无鸡肶卖，实在奇观，结果只系食左老婆爱心炒乌冬，黎到九龙城立即整番串串烧顶顶肚先！
本来想去系开饭睇到既衙前围道小曼谷分店买，但去到间叫小曼谷既似卖甜品多，唔见有串烧亦唔见得旺场，怀疑系假野无帮衬到！行行下见到平时帮衬开既金泰沙冰都有几个人买紧，虽然间野唔知点解卖串烧叫沙冰，但比较埋街尾果间又真系佢最多人，所以都系选择帮衬番佢～
烧鸡翼($8)
个人认为鸡翼最佳烹调就系烧，当鸡翼烧至皮香肉嫩，配合蜜糖或沙爹，真系人间极品！尼度鸡翼烧得唔错，鸡皮烧得香，鸡肉保存到肉汁，腌味亦都好入味同好惹味，配合埋佢既沙爹汁，非常正！但今次沙爹汁好似稀过之前，不过已经好正～
烧牛肉($8)
牛肉配合沙爹系另一个绝佳组合，尼度既牛肉串肉质唔错，烧得亦好唔会过火，配合埋好味既腌料同沙爹汁，亦都好好！
尼度既串烧真系好食过好多乜乜泰国菜馆既贵价串烧，而且个汁唔会好重花生味系我钟意既沙爹酱类型，$8话平唔平但以佢质素同今时今日物价黎讲都算抵～
张贴
