新麻蒲 BBQ (新都會廣場) (已結業)

星期六去咗呢间餐厅食野，噉我下午三点钟去到呢间餐厅，店员安排左我坐一张四人梳化位，张枱好大，坐得自坐。睇完菜单之后，我就点咗点咗一个春川烤鸡，呢个春川烤鸡嚟到之后，原来佢系有鸡翼同埋鸡扒，噉于是乎我就即刻烧嚟食啦。我发觉呢个鸡扒腌制嘅味道刚刚好啊，有少少甜甜地，咬落去好软身啊。有阵时烧牛或猪的时候，烧完之后食落口会有少少硬嘅，但系如果你烧鸡嘅话，就绝对冇呢个问题啰。另外我点咗一杯青苹果果醋，呢个果醋甜甜地，有小小气嘅，都吾错呀。噉嚟呢度食BBQ，佢会畀好多配菜你嘅，包括有泡菜啦，一碟生菜啦，畀你夹𠮶啲肉嚟食，另外佢哋仲会送一碟沙律俾你嘅，都几贴心啊，因为食得肉多，都会想食下啲沙律嘅。价钱呢总共140元左右。