燒鬼 (已結業)

难得星期一放假，梗系出动食好野既时候。我约左亚姨食个早啲既晚餐，5点几出到铜锣湾食烧肉，啲人仲未放工真舒服😁我哋依个任食任饮套餐每人都系3百几，加多$68仲任饮日本啤酒，亚姨咁钟意酒精当然任饮 Sapporo La~坐底先送上牛肉小根汤，牛肉软又香，小根林又甜。再点不同款式既鱼生刺身，包括鱿鱼、八爪鱼、马刀贝、赤贝、三文鱼、北寄贝、带子、甜虾等等。唔好以为任食质素就会比下去，佢依度既贝类刺身爽口都唔错架😊放题又点少得天妇罗，佢地即叫即炸，天妇罗虾外脆内弹，个天妇罗浆又唔会太油腻，炸得唔错👍🏻依度既牛肉款式好多、 包括美国顶级牛板腱香葱薄烧、顶级美国牛翼板、顶级美国牛肩胛肉眼、牛小排、牛舌……肉质新鲜，雪花纹靓，系铁板上烫几下，翻一翻再烫几下，即食！就感受到牛肉香、肉质软。而且部份仲有酱油、仙台或味噌调味俾你拣，真系超多选择～不同调味吊出牛肉既美味😋依度仲有鹿儿岛萨摩赤鸡食，我哋点咗鸡贤同鸡翼。鸡贤烟韧、鸡翼用左七味粉调味辣得黎好惹味，而且肉嫩🥰五花腩半肥瘦、烧香超好食～海鲜我哋点咗扇贝、青口、墨鱼仔，都好新鲜。只青口好大只😁小食方面太多都不能尽录，我点几个钟意既分享下，辣味贡菜带子裙边