嵐川日本串燒 (已結業)

旧区闲游，睇下有咩新奇嘅野，见到苏杭街新开咗间日本野，又冇咩人，唔使等位，就入去试下。有十几款午餐便当选择，咁我就拣咗个烧鳗鱼，因为宜家市面上好多烧鳗鱼同鳗鱼寿司都系唔好食嘅。先上饮品同面豉汤，然后就上便当，便当个盘系一个大盘，冇分隔，都几特别。串烧有一串冬菇及一串鸡肉，烧得唔错，尤其系冬菇，主食烧鳗鱼对办，有四件，肉厚又重鱼油，烧得刚好皮脆及有油香，系小数相近价格食店烧得较好食嘅。其他仲有枝豆、沙律、白饭，都ok，最后送上雪糕糯米滋做甜品。埋单$75唔使加1，唔算话平，但但到质素唔错嘅串烧都系可以接受。