燒鳥 Tsukada

营业中

休息中

同事提议嚟食，打电话预约巳经预上麻烦，电话打极都唔通！过咗几日，我一打就通，顺利订到位。准时出席，场内得14个坐位，只做晚市，呢份坚持值得关注。服务员好好咁解说个菜牌。既然第一次，食十本啦。呢度用备长炭去烧，抽风开始时客人少，都足以应付，但系客人多嘅时候，见到啲烟抽得好辛苦！浓鸡汤免治鸡，汤头香甜，免治鸡肉我就觉得淡口咗。鸡柳就梗梗熟，同事就话好似有少少生添，但就真系嫩滑。每一串都细细件，分开晒，系可以食到原味啦，加七味粉啦，同埋山椒粉配搭嚟食。鸡胸皮薄脆而且嫩。帆立贝就外温内凉，唔知系唔系有意咁烧出嚟比客人。味噌大根好入味，清甜爽脆。鸡心唔系成日有得烧嚟食，要系对食物有选择性，就唔好喺职人面前失礼，一系就唔好点嚟食。生麸我都唔知是什么。冲绳海蕴入口就好似海葡萄嘅质地，爽脆。鸡尾系我至爱，甘香油滑。烧冬菇好多汁，又够香。和牛西冷喺呢餐就变得平淡咗啲喇，或者可以改烧第二样蔬菜减去之前啲油腻仲好。免治鸡肉捧加上生鸡蛋，成家一齐一口食落去，听到都知道系好正啦。鸡白汤拉面，鸡汤同第一份浓汤唔同，呢个清香好多，拉面就比较硬。云呢拿雪糕配上脆饼作最后终结。咁多样嘢对我已经好饱，友人亦都系一样，大满