深井陳記燒鵝海鮮酒家

营业中

休息中

日日都落雨，今日终于好天气， 接完老婆收工四处游车河， 一路向北， 上咗3号干线， 见到路牌就去咗深井， 唔使谂一定系食烧鹅。 呢度都有几间嘅烧鹅店 ， 我见陈记好似喺九龙区都有一啲分店， 就试下呢间啦。呢度有户外嘅座位, 亦有冷气嘅室内铺，先是一个烧鹅例牌， 原来都有分庄同下庄， 下庄价钱贵少少,就代表系脾位， 我哋叫咗下庄， 例牌都好大碟,而且热辣辣仲有个烧鹅汁香喷喷, 咬落去皮脆肉滑。 我最钟意呢度嘅职员同师傅, 个个都系上咗年纪， 好有细个上酒楼嘅童年回忆。 呢个小窗睇到厨房火光熊熊 ，师傅喺入面功架十足咁样煮嘢， 镬气十足 ，好有feel。 你睇下我个黄金虾， 只只都爽口弹牙， 每一只虾沾满晒咸蛋黄。叫咗一人一只蒸扇贝， 扇贝肉好新鲜而且超多蒜蓉同粉丝， 呢啲先系主菜。最后嚟多一个啫啫通菜煲， 一个煲仔上非常烫口， 加咗少少辣椒同虾干非常惹味。呢度啲小菜种类非常多， 而且价廉物美， 下次要call齐人，试多几款𩠌菜。