棋哥燒鵝 (已結業)

每次经过餐厅门口，都比烧鹅头吸引住，一直都好想黎食，今晚终于有机会一家人嚟食晚饭。装修简洁光猛，墙上放满介绍烧鹅及其他名菜的布置，更了解佢哋嘅烧鹅有咩特色。单拼烧味饭有$60起配一杯饮品，晚市这个价格真系性价比高。棋哥烧鹅片濑粉，有大约9片烧鹅片，鹅很有木炭香味，皮脆肉淋，唔会太肥，加上特制烧鹅酱，冇平时嘅烧鹅酱咁甜，更衬托出烧鹅本身嘅肉及皮香，唔会俾个酱汁抢咗鹅本身嘅味道，好配搭，清汤濑粉质素亦高。烧鹅五宝饭有齐烧鹅、叉烧、油鸡、红肠及咸蛋等，一次过食齐几样烧味名菜，叉烧好淋，唔会好重叉烧酱味及唔会太甜，肥瘦适中。油鸡好滑好嫩；五宝饭女仔食份量有机会太多，两个女仔食1份都可以。全日常餐-棋哥叉烧意粉加火腿滑蛋多士，亦有水准，多士松脆。呢度奶茶亦都有水准，茶奶比例均匀又滑溜。