陶園燒臘飯店 (已結業)

今日去开佐敦宝灵街排档，竟然在后街见到个"爆肌型厨"！喺一间叫陶园烧腊饭店门外,有只巨型烧鹅守门口，十分吸睛。原来呢度嘅荔枝柴秘制脆皮烧鹅最驰名，我就决定今晚斩料加𩠌，买咗烧鹅下庄($130)，同埋叉烧($50)，两样都系呢度嘅皇牌。事头婆叫我下次可以试下卤鹅，话一样都咁有水准。返到屋企，打开盒鹅，已闻到阵阵鹅香，食嘅时候，觉得d鹅皮嘅荔枝柴香好突出，鹅肶里面竟然有好多肉汁形成嘅啫喱，食落好juicy，鹅肉滑溜无渣，肉味香浓，鹅皮香口但唔㶶，平时食烧鹅会觉得内胆好咸，但陶园嘅鹅一啲都唔咸，食到鹅的肉香，真系要个"赞"。我平时食嘢口味唔重，所以冇点附送嘅烧鹅汁。至于叉烧算好抵食又好食，$50大大盒。叉烧一啲都唔肥，但食落冇渣，仲食到面豉酱嘅香味。今晚煮碟菜，斩料做𩠌，简简单单又一餐。下次会试下买卤鹅。