新記燒鵝叉燒皇

营业中

休息中

早上去元朗做嘢，做到成1点钟先走得，已经好肚饿，睇吓附近有咩食，行经安宁路见有人推销就入咗去呢间新记烧鹅叉烧皇，饭店装修新整，应该系新开业，睇吓餐牌都唔算平，叫咗招牌货烧鹅叉烧饭送例汤，例汤都唔错。烧鹅叉烧饭，烧鹅比咗胸位啖啖肉，不过份量就真系好似少咗啲，烧鹅鹅肉有味，皮脆有油香。叉烧都好食，肉质松软够味，唯独又系份量太少。加杯冻咖啡要加8蚊，咖啡合格。元朗呢区嚟讲，呢间烧味算系中上，但定价就进取咗少少，份量又唔进取，虽然味道唔错，但唔难怪点解无乜客。