松記燒鵝飯店 (已結業)

假期大西北大遊玩最後一站就係呢間小菜館，為嘅就係佢嘅燒鵝。如果訂位時訂埋，聽講師傅會預返時間燒，等你黎到就差唔多燒好，所以會好食啲。呢隻燒鵝燒得好香，外皮微脆，肉質有彈性而且都夠林，鵝肉有一陣外來嘅香味，微微嘅散發著，上枱時熱辣辣。粟米魚肚羹好多魚肚好足料，不過輕輕鹹咗少少。脆炸牛筋腩味道唔錯，口感都幾好，特別係牛筋嗰個位。椒鹽鮮魷都整得幾好食，炸漿夠薄，魷魚嘅肉質都唔錯。最後當然要食返碟菜啦，都幾新鮮。