能記飯店

营业中

休息中

第一次去深井探朋友，佢都算系深井原居民，梗系请教佢边间嘅烧鹅最好食啦。朋友话其实间间差唔多，佢问我地想食肥D定瘦D，我就话瘦D啦，无咁罪恶，于是佢就带我地去咗呢一间。呢只烧鹅系用炭烧嘅，所以佢D皮带有炭香味，特别系脾位支棍仔，炭香味浓D再加上烧到㶶㶶地，真心正。佢只鹅又真系几瘦，皮同肉之间无乜皮下脂肪，唔洗一边食一边要咬走D肥膏，尤其是佢个颈位，真系食得特别畅快。不过因为佢真系瘦，所以食到一D肉地比较厚嘅部份，相对会比较韧，不过无办法啦，要瘦就一定唔肥美。除咗烧鹅，友人仲建议我地要试佢嘅椒盐鱼扣。鱼扣，即系鱼嘅胃，一般最常见系乌鱼扣(乌头的胃)，有D火锅店都有得食架，食落烟烟韧韧有赵口，因为一条鱼只有一个扣，所以真系要熟客先至攞到。呢个椒盐鱼扣好食嘅，不过又未算好有惊喜，但系由于出面其他地方真系好少食得到，所以都系值得一试嘅。